Регулаторната Комисија за Енергетика објави дека од вечерва на полноќ значително ќе се намали цената на дизелот, но малку ќе се зголемат цените на бензините.
Во согласност со методологијата која РКЕ ја користи за пресметка на цените на горивата, како и олеснувањата кои се воведени за привремено ублажување на глобалниот раст на цените на нафтата, од вечерва македонските цени се намалуваат во просек за 3.84%.
Цените на ЕУРОСУПЕР-95 и ЕУРОСУПЕР-98 се зголемуваат за 0.50 денари за литар и бензините ќе чинат 88, односно 90 денари за литар.
Значително се намалува цената на дизелот – за цели 6.5 денари за литар. Па така, од вечерва на полноќ еден литар ЕУРОДИЗЕЛ ќе чини 85.50 денари.
