Andreas Mindt е одговорен за дизајнот на моделите на Volkswagen од 2023, но отсега ќе го води дизајнот на сите брендови во рамките на групацијата Volkswagen.
Назначувањето стапува на сила на 1ви Март, а Andreas Mindt официјално ќе ја носи титулата Head of Group Design. Што значи тоа? Па накратко – тој ќе ги надгледува одделите за дизајн на Volkswagen, Seat, Skoda, Cupra, Audi, Bentley, американскиот бренд Scout, Porsche, Lamborghini, Bentley, па дури и Bugatti Rimac.
Океј, а кој е Andreas Mindt? Тој е роден и пораснат во Wolfsburg, а откако дипломирал на универзитетот во Pforzheim, во 1996-тата година се вработил во VW Group. Неговото портфолио е интересено – негови се оригиналниот Volkswagen Tiguan и Golf VII, но и Audi A1, Q3 и Q3, луксузниот Bentley Mulliner Batur, но и не-баш-познатиот концепт Bentley Hunaudieres. Под негов надзор се дизајнирани и Volkswagen ID. 2All и ID. Every1.
Mindt изјави дека неговата цел е „да го зајакне идентитетот на секој бренд, паметно да ги користи синергиите, но и да обезбеди силна диференцијација.“ Дополнително, додаде дека Volkswagen Group значи „силни глобални брендови со јасни регионални продукти“.
