Дакар релито е синоним за издржливост, упорност и истрајност – а годинава словенецот Симон Марчиќ ќе дојде во Македонија на првиот ADV камп!
Секој натпреварувач кој има повеќе од 10 стартови на Дакар ја стекнува титулата Дакар Легенда, а една ваква легенда – словененцот Симон Марчиќ годинава ќе учествува на M*A*R*C – Macedonian Adventure Ride Camp. Па токму затоа, пристигна покана да му се придружиме годинава од 5 до 7 Јуни во охридско-преспанскиот регион.
Симон ќе биде еден од неколку тренери на M*A*R*C од 5 до 7. јуни во кампот Љубаништа каде на специјално дизајниран полигон и однапред дефинирани офроуд патеки низ природа ќе вози заедно со локалните и регионални мото-ентузијасти.
Централна локација е кампот Љубаништа. Во рамките на овие три дена главниот дел од програмата ќе понуди три сегменти:
- Практична едукација за возење офроуд на специјално дизајниран полигон;
- Офроуд возење во природа по претходно дефинирани патеки/рути и
- Асфалтни тури до претходно договорени дестинации.
По денови планот сега за сега изгледа вака:
- Петок: пристигнување, кратко ориентациско возење/едукација. Официјално отвoрање со презентации и теоретска едукација
- Сабота: Практична едукација за офроуд возење + возење во природа (офроуд и асфалт), и вечерна забава (презентации, интерактивни игри и забава)
- Недела: Практична едукација за офроуд возење и кратка офроуд/асфалтна тура и заминување
Конкретните детали, темите, презентациите и предавачите ќе бидат објавувани на marc.mk и на нивниот официјален инстаграм-профил – @marc.advcamp.
