Моделот го добива изгледот на електричниот 500е, но овој пат со мотор со внатрешно согорување.
Погонот на новиот 500 комбинира 1-литарски трицилиндричен мотор со 65 коњски сили, мала литиум‑јонска батерија и мануелен менувач со 6 брзини. Колку освежувачки олд-скул!
Максималната брзина изнесува 155 км/час додека забрзувањето од 0 до 100км/час трае лежерни (и реално, во градски услови – неважни) 16 секунди. Комбинираната потрошувачка на 100 километри според WLTP стандардот изнесува импресивни 4,5 литри.
Fiat 500 Hybrid ќе биде достапен како хечбек и кабриолет и ќе се продава паралелно со целосно електричниот 500e. Покрај нивоата на опременост Icon и La Prima, ќе биде понудена и специјалната Torino изведба која ќе биде достапна исклучиво во хечбек варијанта.
Icon нивото добива 16‑инчи фелни, целосни LED фарови, двобојна внатрешност, екран на допир од 10,25‑инчи, автоматски клима уред, безжичен CarPlay/Android Auto и задни паркинг сензори.
Lа Prima верзијата има 17‑инчни тркала, затемнети стакла, стаклен покрив, греени седишта, задна камера и навигација. Torino изведбата има посебни ознаки, специјални седишта, LED фарови, автоматска клима и задни паркинг сензори. Производството е веќе започнато во фабриката на Fiat во Торино.
