Alpine A110 R Le Mans е во чест на 100-годишнината на Le Mans

Alpine A110 R Le Mans е изграден врз веќе екстремниот A110 R, но добива доработки кои го прават уникатен и посебен.

Alpine A110 R веќе има преден поклопец, поклопец на моторот, кров, заден спојлер и тркала изработени од карбон, а Le Mans верзијата добива Road & Track пакет кој го снижува и го зацрвстува автомобилот за дополнителни 5 проценти. Од Alpine кажуваат дека дополнителни ревизии се направени и на суспензијата.

Естетските измени вклучуваат специјална бела боја и сини детали и слични детали на спојлерот и тркалата. Задниот поклопец добива понагласена централна перка која според Alpinе оддава почит на A480 тркачкиот автомобил. Секако, тука се и неизбежните Le Mans значки околу автомобилот и ласерски-изгравираната мапа на патеката на визирот за сонце.

Parade Alpine during the 24 Hours of Le Mans 2023 on the Circuit des 24 Heures du Mans on June 7, 2023 in Le Mans, France – Photo Joao Filipe / DPPI

A110 R Le Mans има мотор кој испорачува 300 коњски сили, а целиот автомобил тежи само 1082 килограми. Сето тоа овозможува забрзување до 100 километри на час за само 3.9 секунди и максимална брзина од 285 километри на час. Ќе бидат произведени само 100 примероци, а Le Mans едицијата ќе биде ценовно позиционирана слично како Alpine A110 R Fernando Alonso едицијата – и во Франција ќе чини 140.000 Евра.