Според најавите кои пристигнуваат од Peugeot, новиот Inception „ќе отвори нова ера за брендот“.
Peugeot за прв пат го најави Inception пред неколку месеци и објави дека ќе го претстави новиот концепт на CES експото во Лас Вегас. Самиот факт дека CES се одржува во Las Vegas и дека Peugeot планира да го претстави концептот таму е навистина интересен – Peugeot не продава автомобили во САД, но дали е ова најава за промена на тоа?
Секако, токму поради тоа што Peugeot толку долго го најавува Inception јасно ни е дека концептот е особено важен. Од Peugeot кажуваат дека концептот ќе „отвори нова ера“ за брендот и дека уште посилно ќе се концентрира на трите главни вредности – Allure, Emotion и Excellence, односно Привлечност, Емоции и Извонредност. Најавуваат дека Inception ќе има „мачкест“ став, но и нов, револуционерен дизајн на ентериерот и возачки сезнации кои се без преседан.
Со оглед на вртоглавиот раст на Peugeot изминатите години, како и драстичното репозиционирање на францускиот бренд – ќе признаеме дека со нетрпение очекуваме да го видиме Inception. Имајќи предвид колку Peugeot успеа да нè изненади со 408 на неодамнешното возење во Шпанија, сигурни сме дека Inception ќе биде навистина возбудлив.
