Volkswagen ги послуша критичарите и ќе ги врати физичките копчиња „на стискање“ на управувачите на своите автомобили.
Враќањето кон докажаните физички копчиња го најави Tomas Schafer кој е на чело на VW брендот во рамките на групацијата. Тој прилично јасно и гласно кажа:
„Ги затегнуваме нашето портфолио и нашиот дизајн, но креираме и нова едноставност во користењето на нашите возила. На пример, ги враќаме физичките копчиња на управачот! Тоа го бараат купувачите од VW.“
Навистина е убаво кога ќе видиме како еден производител ги слуша автомобилските новинари и купувачите па по потреба дури и „ретерира“ по добиените критики. Многумина ги критикуваа капацитативните контроли поставени на управувачите на Volkswagen како премногу осетливи и непрактични за користење.
За жал немаме информации кога точно ќе се случи оваа промена. На неодамнешни „шпиунски“ фотографии од освежувањето кое Volkswagen го подготвува за Golf 8 се забележаа физичките контроли, па се надеваме дека физичките копчиња ќе се вратат во текот на следната година.
