Познатиот Германски тјунер подготви третман за најсилната изведба на Alfa Romeo Giulia кој вклучува подобрувања на перформансите и неколку естетски измени.
Наречен Manhart Giulia QV600, пакетот носи многу повеќе од оние 600 кои името ги сугерира или поточно 653 кс и 790 Nm вртежен момент. Тоа се значителни подобрувања од стандардните 503 кс и 600 Nm кои доаѓаат од 2.9-литарскиот битурбо V6.
Ова подобрување на перформансите е добиено благодарение на нови турбополначи и издувни цевки со спортски катализатори. Силата продолжува да биде испорачувана кон задните тркала преку осум-степена автоматска трансмисија.
Иако е очигледно дека автомобилот е многу побрз од стандардната Alfa Romeo Giulia Quadrifoglio, Manhart не ги објави бројките од забрзувањето и максималната брзина.
Германската компанија не направила измени кај сопирачките на авотмобилот, но ја променила суспензијата, со што ја приближила Giulia Quadrifoglio кон подлогата. Монтирани се нови 20-инчни тркала со широчина од 8.5 инчи напред и 10 инчи позади, обвиени во пневматици со профил од 255/30 и 295/25.
Екстериерот на автомобилот е дотеран со украсни мат црни ленти со шолти линии, кои можат да се забележат на предниот и задниот дел, поклопецот на моторот, покривот и багажникот.
Manhart ќе произведе само 10 примероци од специјалната Giulia Quadrifoglio, а секој од нив ќе чини околу 120.000 евра.
