Македонскиот клуб на вљубеници во легендерната Volkswagen Буба денес го одбележа светскиот ден посветен токму на овој автомобил.
Фановите на Volkswagen Буба, но и пријатели на клубот и фанови на олдтајмерите денес преку кратко дефиле и дружење го одбележа World Beetle Day. На овој ден, не само што се прославуваат наследството и историјата на еден од најпродаваните автомобили во историјата, туку истовремено се истакнува пријателството меѓу сите вљубеници во автомобилите и желбата за уште повеќе дружење и заедничко возење.
На прославата која се одржа во хотелот Mirror близу Скопје присуствуваа членовите на клубот, но и уште неколку возила кои придонесоа таа да биде побогата и попријатна. И покрај високите температури, расположението беше неизбежно.
На членовите на Буба Клуб Македонија им посакуваме уште многу вакви дружења и прослави, и се надеваме дека во иднина ќе бидат уште помногубројни!
