На Skopje Unplugged еднодневниот музички настан посебно место зема електричниот Porsche Taycan Cross Turismo!
Taycan Cross Turismo го дефинираат спортски линии и несекојдневна, каравански-кросоверска форма како и заштитни панели околу целиот автомобил. Taycan Cross Turismo стандардно доаѓа со воздушна суспензија и погон на сите четири тркала, а новата форма овозможува повеќе простор во кабината – особено на задната клупа – како и повеќе багажен простор, кој нараснува до повеќе од 1200 литри.
Иновативниот Porsche 4D Chassis Control систем ги анализира и ги синхронизира сите системи во реално време. Тука ги вбројуваме адаптивната воздушна суспензија која автоматски ја прилагодува височината во зависност од теренот, а возачот може самиот да испрограмира локации каде Taycan Cross Turismo самиот ќе ја нагоди суспензијата на повисоко или пониско ниво – за полесно влегување во гаража, да речеме.
Новитет е Gravel режимот на возење кој овозможува совладување на лесни теренски предизвици. Во овој режим, суспензијата е повисока за 30 милиметри и сите системи се прилагодени за да овозможат максимална тракција и лесно возење.
Новиот модел на Porsche се нуди во четири изведби, сите со погон на сите четири тркала. Изведбите меѓу кои можете да одберете се 4, 4S, Turbo и Turbo S. Сите го користат истиот батериски модул, но Taycan 4S Cross Turismo испорачува 380 коњски сили, односно 476 за Launch Control. Кај 4S тие бројки растат на 490 и 571.
Скалило погоре е Taycan Turbo Cross Turismo кој има 625, односно 680 коњски сили при Launch Control и на самиот врв е Taycan Turbo S Cross Turismo кој нуди 625, односно 761 коњска сила и 1050 Nm вртежен момент при Launch Control. На „основниот“ Taycan 4 Cross Turismo му требаат 5.1 секунда да достигне 100 километри на час, на врвниот Taycan Turbo S Cross Turismo катапултирањето „до стотка“ трае само 2.9 секунди. Во зависност од изведбата, автономијата е меѓу 380 и 460 километри со едно полнење на батериите.
