full screen background image
Search

Porsche го зголеми уделот во Rimac Automobili на 24 проценти

Надзорниот одбор на Porsche AG одлучи да го зголеми уделот на германскиот бренд во Rimac Automobili од 15 на 24%.

Со ова зголемување, Porsche ги потврдува интересот и посветеноста кон електромобилноста. Дополнително, со ова ја зацврстува позицијата на втор по големина сопственик во Rimac Automobili, по Мате Римац.

Porsche за прв пат инвестираше во Rimac Automobili во 2018 и го зголеми својот удел на 15% во Септември 2019. Ова најново зголемување на учеството во Rimac Automobili ќе го чини Porsche 70 милиони Евра, а Porsche ќе биде сопственик на вкупно 24% од акциите.

„Мате Римац и неговиот тим се значајни партнери, особено кога станува збор за поддршка за развој на компоненти. Rimac e на пат да стане добавувач од прв ред за Porsche, но и за други производители. Porschе веќе ја направи пнарачката за развој на иновативни компоненти од Rimac Automobili.“ – изјави Lutz Meschke, еден од членовите на одборот на Porsche AG.

Мате Римац дополни – „Porsche е голем поддржувач на нашата компанија уште од 2018, и секогаш било привилегија еден од најиконските спортски брендови на светот да е дел од Rimac Automobili. Работиме заедно на возбудливи нови продукти.“

 



Алфа и Омега на CARclub. Играчките остануваат, само стануваат поскапи.