Manhart го направи BMW M2 CS уште поимпресивен – CARclub.mk | #1 за Автомобилите full screen background image
Search

Manhart го направи BMW M2 CS уште поимпресивен

Новиот BMW M2 CS излегува од производните ленти како одличен спортски автомобил. Сепак, Manhart помислиле дека можат да го направат уште подобар и го создадоа моделот MH2 GTR,

Во стандардно издание, 3-литарскиот шест-цилиндарски агрегат на M2 CS произведува 450 кс и 550 Nm вртежен момент. Благодарение на нов турбополнач, интеркулер, алуминиумски цевки, Manhart карбонски систем за довод на воздух, спортски катализатори и репорограмирање на компјутерската единица моделот MH2 GTR испорачува 592 кс.

За поефикасно пренесување на силата кон подлогата, Германскиот тјунер го прилагодил седум-степениот менувач со двојна спојка, а исто така и го опремил со 20-инчни ковани фелни Concave One обвиени во Michelin Pilot Sport Cup 2 пневматици во димензија 255/30 напред и 295/25 назад. За надградба на суспензијата се користени неколку делови од H&R.

Екстериерот на моделот е инспириран од BMW M2 CS Racing и е опремен со нови аеродинамични карбонски делови како нов преден плитер, отвори за вентилација на крилата, аеро елементи над страничните прагови и голем заден спојлер.

Модификациите на Manhart продолжуваат и во кабината, така што добива BMW M Performance волан, како и мал дисплеј за прегледување на информации, позициониран на местото на левата решетка за вентилација на централната конзола.

 



Отсекогаш Филип се интересирал за дизајнот и перформансите на автомобилите, а во срце му лежат легендарните спортски модели со забавен карактер кои можат да ги совладаат свиоците со огромна брзина.