Во 2020 се продадени 15% помалку автомобили од 2019 година – CARclub.mk | #1 за Автомобилите full screen background image
Search

Во 2020 се продадени 15% помалку автомобили од 2019 година

Германската Асоцијација на Автомобилската Индустрија објави извештај во кој ги истакнува разликите во продажба на нови возила помеѓу 2020та и претходната година.

Продажбата на нови возила во 2020та на сите поголеми маркети била значително намалена во споредба со 2019та година, како последица на пандемијата од корона вирусот.

Сепак, од сите маркети најмалку погоден бил пазарот во Кина, каде продажбата опаднала за само 6% на малку под 20 милиони возила. Продажбата на автомобили во Русија и Јапонија се намалила за 10%, додека пак во САД и Индија биле регистрирани 17% помалку нови автомобили.

Најголем пад на продажбата бил забележан во Бразил со 27% помалку нови возила, додека пак ситуацијата во Европа била за нијанса подобра со регистрирани 24% помалку автомобили.

Продажбата на нови сериски возила на најголемите пазари во светот била за 15% помала во 2020та во споредба со 2019та година. Вкупната бројка на продадени возила од 56 милиони примероци е најлошата бројка регистрирана во последниве години.

Најголемиот пазар во Европа – Германија забележал намалување на продажбата за помалку од 20%. Ситуацијата во Франција била 25.5% влошена, додека пак Велика Британија имала 29.4% помалку продадени возила од 2019 година. Најмалку загуби во 2020 биле забележани во Норвешка, која е единствена земја каде продажбите биле намалени за само 0.7%.

Според Германската Асоцијација на Автомобилската Индустрија, се очекува продажбата на нови возила да порасне за околу 12% во текот на 2021 година.



Отсекогаш Филип се интересирал за дизајнот и перформансите на автомобилите, а во срце му лежат легендарните спортски модели со забавен карактер кои можат да ги совладаат свиоците со огромна брзина.