Hyundai ја претстави новата тркачка Elantra N TCR – која ги исполнува условите за натпреваруѕвање во TCR шампионатите!
Hyundai во своето TCR портфолио веќе ги има i30 N TCR и Veloster N TCR, а сега понудата на тркачки автомобили за овие шампионати ја дополнува со Elantra N TCR, базирана на целосно-новата Elantra.
Според она кое ни го кажуваат од Hyundai, новата Elantra N TCR веќе има поминато повеќе од 5000 километри во тестирање на неколку тркачки патеки ширум Европа, а тестирани се две верзии – Sprint верзија наменета за пократки трки, како и Endurance верзија наменета за подолги, неколкучасовни трки. Автомобилот се тестира веќе неколку месеци и првите примероци ќе им бидат испорачани на купувачите до крајот на оваа година.
Тркачката Elantra N TCR ја испорачува силата кон предните тркала, и иако не се објавени целите технички детали, можеме да претпоставиме дека ги исполнува TCR правилата – а тоа се 340 коњски сили и 410 Nm вртежен момент, како и минимална тежина од 1265 килограми. Секако, ги добива и сите други работи кои се потребни за тркање – од безбедносен кафез, па сè до тркачки сопирачки и прилично екстремен аеро-пакет.
Hyundai веќе ни ја покажа Elantra N Line која има 201 коњска сила, а најавена и Elantra N која очекуваме да има околу 280 коњски сили.
