full screen background image
Search

77 проценти од патничкиот сообраќај во Македонија е со автомобили

Интересно е што и покрај тоа што автомобилите доминираат кога станува збор за патничкиот сообраќај, сепак сме под европскиот просек од 83%.

Податоците на Евростат за движењето на луѓето во Европа за 2019 година покажуваат дека околу 83 проценти од вкупниот патнички сообраќај во Европа е со автомобили, по што следува превозот со автобуси кој е со девет проценти и осум проценти отпаѓаат на патувањето со воз.

Уделот на автомобилите во патничкиот патен транспорт во 2017 година се движи од 69 проценти во Унгарија до 89 проценти во Португалија и 90 проценти во Литванија.
Податоците на Евростат покажуваат дека кај нас 77 проценти од вкупниот патнички патен транспорт бил со автомобили, наспроти 22 отсто кој бил со автобуси и само 0,6 проценти со воз.

Во 2015 година во просек секој човек во Европската Унија патувал со некое транспортно средство 12.962 километри – два пати растојанието меѓу Лисабон и Варшава.

Според податоците на Европската комисија приватните домаќинства во Европската Унија, во 2015 година домаќинствата потрошиле вкупно 1.044 милијарди евра во транспортни активности и тоа – 50 проценти од нив за гориво и користење на автомобили, 28 проценти за купување на возила и 22 проценти за карти и други трошоци.

Во просек, тоа претставува дури 13 проценти од вкупниот буџет на едно домаќинство – повеќе од она кое трошиме на храна и безалкохолни пијалаци или образование.  Се проценува дека гужвите на патиштата во Европа на годишно ниво на Европската Унија чинат 140 милијарди евра, што е еднакво на 1 процент од бруто-домашниот производ на Унијата или, пак, по 275 евра по човек.

Извор: Макпетрол Инфо Поинт



Алфа и Омега на CARclub. Играчките остануваат, само стануваат поскапи.