Романскиот бренд пред само неколку минути ги објави првите фотографии од целосно-новите Sandero и Sandero Stepway, како и моделот со кој ја започна револуцијата – Logan.
Сите три модели имаат еволутивен дизајн кој е веднаш-препознатлив, но истовремено и модерен. Препознаваме затегнати предни и задни светла и омекнати линии и површини. Новиот Sandero има позаострено ветробранско стакло и понизок кров, додека Sandero Stepway добива и засебен поклопец на моторот, но и робустни браници и странични заштитни панели.
Секако, не смееме да го заборавиме ниту новиот Logan – моделот со кој Dacia пред многу години ја започна револуцијата. Компактниот седан го добива истиот визуелен третман и изгледа посовремено и поробустно.
Инаку, новите Logan, Sandero и Sandero Stepway ќе продолжат да ги носат истите докажани бензински и турбодизел мотори кои и досега се нудеа, но се шпекулира и можноста за воведување електрифицирани погони, со што Dacia би се обидела да ги понуди најдостапните лајт-хибридни и хибридни модели на пазарот.
Останува да почекаме до 29-ти Септември, за кога е закажана официјалната премиера.
