Регулаторната Комисија за Енергетика ги објави новите – скоро непроменети – цени на горивата.
Регулаторната Комисија за Енергетика ги објави новите цени на горивата. Во согласност со методологијата за пресметка на цените, малопродажните цени се зголемуваат во просек за 0.15%.
Малопродажната цена на ЕУРОСУПЕР-95 се намалува за 0.5 денари по литар, и еден литар 95-октански бензин ќе чини 60.50 денари.
Малопродажните цени на ЕУРОСУПЕР-98 и ЕУРОДИЗЕЛ горивата не се менуваат – па еден литар 98-октански бензин и понатаму ќе чини 63.00 денари, додека еден литар дизел и понатаму ќе чини 52.50 денари.
Новите цени ќе стапат на сила вечерва на полноќ.