full screen background image
Search

Новиот Nissan Juke порасна, но го задржа разиграниот изглед

Дури 10 години по претставувањето на субкомпактниот кросовер, пристигна втората генерација на оргиналниот Nissan Juke кој најавува дека ќе го надмине претходникот во секој критериум.

Новата генерација следи еволутивен дизајн и го задржува впечатливиот дизајн, но оформен во помодерно издание. Поставена е на новата CMF-B платформа која ја дели со најновите Renault Captur и Clio. Како резултат на тоа, може да се пофали со повеќе простор во кабината, но и 23 килограми помала тежина во споредба со претходникот.

Новиот Juke изгледа поатлетски благодарение на поскладните пропорции, лебдечкиот покрив и истакнатата странична карактерна линија. На предниот дел ги задржува кружните големи светла, над кои се наоѓаат потенки LED дневни светла, а исто така и добива поголема решетка со украсна V-рамка. На задниот дел, моделот добива светлосни групи по примерот на Quashqai и поостри линии.

Во споредба со екстериерот, ентериерот е значително изменет, како во дизајн, така и во просторност. Nissan изјавува дека должината за колената на задната клупа е зголемента за 58 милиметри, висината за главата за 11 милиметри, а капацитетот на багажниот простор е поголем за 20 проценти со што сега изнесува 422 литри.

Сепак, изгледот на ентериерот е визуелно највпечатливо изменет. Тој доаѓа со “лебдечки” дизајн на инструмент таблата, нов мултифункционален волан, како и намален број на копчиња на централната конзола, каде е поставен 8-инчен екран на допир, компатибилен со Apple CarPlay, Android Auto и Google Assistant.

Nissan ќе го нуди новиот Juke со 1.0-литарски три-цилиндарски турбо-бензински агрегат кој произведува 117 коњски сили, усогласен со шест-степен мануелен или седум-степен автоматки менувач со двојна спојка и лопатки за менување.



Отсекогаш Филип се интересирал за дизајнот и перформансите на автомобилите, а во срце му лежат легендарните спортски модели со забавен карактер кои можат да ги совладаат свиоците со огромна брзина.