BMW M слави 30 години возење под отворено небо со M4 Convertible Edition 30 Jahre – CARclub.mk | #1 за Автомобилите full screen background image
Search

BMW M слави 30 години возење под отворено небо со M4 Convertible Edition 30 Jahre

Славеничкиот модел ќе биде ограничен на 300 примероци, ќе се нуди во само две бои и ќе нуди 450 коњски сили!


М-дивизијата слави 30 години кабриолети со специјалниот M4 Convertible Edition 30 Jahre. Славеничкиот модел ќе биде произведен во само 300 примероци, и ќе се нуди само во две бои – Macao сина или Mandarin II жолта.

Дополнително, ќе добие BMW Individual High Gloss Shadow Line пакет за предната маска на ладилникот, страничните отвори за воздух и M4 значките. Дел од пакетот ќе бидат и 20-инчни тркала во мат Orbit сива боја.

Примероците во сина боја ќе добијат двобојна кабина со седишта обвиени во Merino кожа, а дел од пакетот се и специјални патосници, карбонски детали и 30 Jahre Edition значки.

Славеничкиот автомобил стандардно ќе го добие и M Competition пакетот – а тоа значи подиректно управување, адаптивна М суспензија, надграден 3-литарски TwinPower Turbo шест-цилиндерски мотор кој испорачува 450 коњски сили, Active M диференцијал и M Sport издувен систем.

Богами, убав начин да се прослави роденденот!



Алфа и Омега на CARclub. Играчките остануваат, само стануваат поскапи.