full screen background image
Search

Премиера: Ford Mustang Bullitt – 475 коњски сили за воскреснување на легендарното име!

Ford го искористи „домашниот“ саем во Детроит за да го прикаже новиот Mustang Bullit кој оддава чест на легендарниот филм со Стив МекКвин преку уникатни детали и 475 коњски сили!

Новиот Bullit доаѓа со надграден 5-литарски V8 кој во оваа конфигурација испорачува моќни 475 коњски сили и 570 Nm вртежен момент – доволни да го забрзаат мускулестиот автомобил до максимални 263 километри на час. Меѓу другото, купувачите ќе добијат мануелен менувач чија рачка е како топка за билијард, а ќе добијат и уште многу, многу дополнителна опрема.

Mustang Bullit ќе го препознаете и по уникатниот звук кој доаѓа од специјалниот систем за издувни гасови, но и специјалниот систем за „дишење“ кој се вградува во овој модел. Ќе можете да одберете меѓу Shadow Black и Dark Highland Green бои (ние би ја препорачале втората, секако), а дел од пакетот се и дискретни хромирани детали, 19-инчни тркала, црвени брембо сопирачки и уникатна маска на ладилникот.

Ако се прашуваме ние, ова е одличен начин да се оддаде почит и кон Стив МекКвин, и кон легендарниот филм, но и кон историјата на Ford Mustang.



Алфа и Омега на CARclub. Играчките остануваат, само стануваат поскапи.