full screen background image
Search

Подготвени за трка? Викендов се вози Скопје Круг 2017!

Викендов по неколкугодишна пауза во нашиот главен град ќе се вози трката Скопје Круг и се очекуваат околу 50-тина учесници од Македонија и околните земји!

По пауза од 7 години, кружните авто трки повторно се враќаат на скопскиот асфалт! Во организација на АКК Примо АВЈ, на 21 и 22 октомври ќе се одржи меѓународната трка „Скопје Круг 2017“. По долгогодишната пауза, нашите најдобри возачи се враќаат на традиционалната скопска патека пред зградата на Македонската телевизија на булеварот Гоце Делчев и улицата Беласица пред влезот на Скопски саем.

Долги години многубројните фанови на авто трките во Скопје токму на оваа патека имаа можност да уживаат во мајсториите на голем број легендардни имиња и мајстори на октани како од нашата земја така и од регионот. Овој викенд ќе ја освежиме колективната меморија и повторно ќе имаме можност да гледаме возбудливи дуели на ова парче од легендарниот скопски асфалт.

OLYMPUS DIGITAL CAMERA

Трката ќе има и меѓународен карактер и на неа освен домашните возачи ќе настапат и екипажи од Србија, Бугарија, Косово и Грција. Патеката ја задржува стандардната должина од 2.050 метри. Тренинзите и квалификациите ќе се одржат во сабота, на 20 октомври, а трките во недела. Квалификациите се во Сабота во 12 часот, свеченото отворање е во Недела во 11 часот, додека трката започнува во Недела во 12 часот.

Александар Димушевски, претседател на АКК Примо АВЈ изјави: „Понесени од тонењето на македонскиот автомобилизам во последниве години во кои тој го допре дното, односно целосно замре, се одлучивме на ваков чекор за да го вратиме вниманието на јавноста со надеж дека состојбата конечно ќе се разреши во овој спорт кој во нашиот главен град собираше по неколку десетици илјади гледачи на Водно или покрај МРТВ. Не сме организирале трка во Скопје веќе 7 години, па денес возбудувањето е како на самите почетоци. Во тек се организациските подготовки околу самата патека и безбедноста на публиката, контактираме со странските возачи кои би сакале да настапат и се надеваме дека Скопјани по долги години пауза повторно ќе имаат можност да уживаат во уште еден спектакл на четири тркала.“

Среќни сме што трките повторно се враќаат на скопскиот асфалт. На сите учесници им посакуваме многу среќа, и се гледаме на тркачката патека!



Алфа и Омега на CARclub. Играчките остануваат, само стануваат поскапи.