Maserati го продолжи животниот век на актуелниот GranTurismo со освежување на сегашната генерација.
Спортското купе сега доаѓа со заострен редизајн на екстериерот, кој вклучува нови браници и изменета предна решетка. Ентериерот добива позначајно освежување, кое содржи модерен 8.4-инчен мултимефијален систем со Android Auto и Apple CarPlay, редизајнирана централна конзола и одлични Poltrona Frau кожни седишта.
Силата продолжува да извира од природно аспирираниот 4.7-литарски V8 агрегат кој е рачно произведен од Ferrari и испорачува 460 кс и 520 Nm вртежен момент. Усогласен е со шест-степена автоматска трансмисија која му овозможува да забрза од 0-100 км/ч за 4.8-секунди пред да ја достигне максималната брзина од 299 км/ч.
