Електричниот Jaguar I-Pace веќе се произведува! – CARclub.mk | #1 за Автомобилите full screen background image
Search

Електричниот Jaguar I-Pace веќе се произведува!

Електричниот Jaguar I-Pace веќе влезе во фазата на почетно сериско производство – финалниот автомобил ќе го видиме во Франкфурт, а првите сопственици ќе ги добијат своите автомобили до крајот на оваа година!

Според Automotive News, лансирањето на новиот Jaguar I-Pace ќе биде интересно – I-Pace е целосно нов модел за Jaguar – архитектурата и погонот се целосно нови, а алуминиумскиот кросовер се прави во фабриката на Magna Steyr во Австрија.

Всушност, Magna Steyr се инволвирани во развојот на I-Pace од самиот почеток – инженерите и дизајнерите на Jaguar го создадоа електричниот I-Pace, а експертите од Magna Steyr го искористија своето знаење за да го развијат најдобриот начин за производство на автомобилот.

 

Magna Steyr се вистински експерти во својата работа – и ова не им е прв пат целосно да произведуваат автомобил за друг бренд – тие го произведуваат и Rapide за Aston Martin. Сепак, според најавеното – вистинскиот конкурент на I-pace ќе бидат автомобилите на Tesla. Првите автомобили веќе се произведуваат, а Европската продажба ќе започне уште оваа година. Според претставници на брендот, автомобилот е агилен и динамичен, побрз од Tesla и неверојатно тивок.

 



Алфа и Омега на CARclub. Играчките остануваат, само стануваат поскапи.