Женева 2017: Audi Q8 Sport Concept – Хибрид со 476 коњски сили и автономија од 1200 километри!

Германскиот премиум бренд го претстави Q8 Sport Concept – моќен хибриден кросовер базиран на Q8 Concept кој беше изложен на саемот во Детроит.

Новиот концепт е придвижуван од хибридна конфигурација која вклучува 3.0-литарски V6 TFSI мотор со 443 коњски сили, електричен мотор со моќност од 27 коњски сили, како и електричен систем од 48 волти. Системската моќност изнесува 469 коњски сили и 700 Nm вртежен момент, овозможувајќи му забрзување од 0-100 км/ч за 4.7 секунди и максимална брзина од 275 км/ч.

Електронската сила извира од литиум-јонски батерии, вградени под багажниот простор. Таа е доволна за придвижување, маневрирање и паркирање на автомобилот во секојдневниот густ сообраќај. Целосниот опсег на возење е до 1,200 километри со еден резервар од 85 литри. Простата математика кажува дека просечната потрошувачка на големиот спортски SUV е околу 7 литри на 100 изминати километри.

Најинтересниот дел е всушност електричниот компресор кој Audi го додале на TFSI агрегатот. Тоа е елемент кој дебитираше во SQ7 TDI и овозможувa скоро-инстантно забрзување во секое време. За испорака на силата кон сите четири тркала се гржи осум-степен автоматски менувач.

Q8 Sport Concept е поставен на огромни 23-инчни алуминиумски фелни обвиени во пневматици со профил 305/35. Моделот исто така добива неверојатни 20-инчни керамички диск сопирачки, а тука е се и пет нивоа на растојание од подлогата со 90 милиметарска разлика во висината.

Во кабината може да се најдат неколку дигитални дисплеи, вклучуваќи 12.3 инчен Virtual Cockpit со повисока резолувија и иновативен „contact-analogue“ head-up дисплеј кој ги прикажува неопходните информации директно во гледното поле на возачот на ветробранското стакло.

Според Audi, овој хибриден систем може да очекуваме да се најде во нивните претстојни модели, како следните A6, A7, A8 и Q7. Конечната сериска изведба од Q8 се очекува да биде претставена во 2018.