full screen background image
Search

Втората генерација на Nissan Juke пристигнува следната година

Следната генерација на Nissan Juke се подготвува за лансирање наредната година, а со себе ќе носи бројни подобрувања, технологии, нова платформа и погонски единици.

Извршниот директор на Nissan – Широ Накамура изјави дека втората генерација на Juke ќе задржи многу од главните стилски одлики на оргиналниот модел, но ќе биде малку поконвенционална и ќе се приближи кон останатите модели на Јапонскиот бренд. На пример на предниот дел ќе се забележуваат сличности со Qashqai, но ќе бидат задржани слични задни светла и големи лакови на тркалата по кои моделот ќе биде препознатлив како Juke.

Новата генерација ќе биде поставена на претспојната Common Module Family шасија од алијансата Renault-Nissan. Покрај тоа што ќе биде полесна и поефтина за производство од моменталната архитектура, исто така ќе биде малку подолга и ќе располага со повеќе место за нозете на задната клупа.

Новата шасија ќе му овозможи на Juke да добие палета од нови погонски единици, вклучувајќи мал 1.0-литарски три-цилиндарски турбо бензинец, 1.5-литарски дизел и 1.6-литарски четири-цилиндарски турбо-бензинец со 190 кс резервиран за врвната изведба. Постои можност и заа хибридна варијанта.

Во кабината промените ќе бидат големи. Се очекува Nissan да го опреми моделот со попрефинети материјали и површини, како и нов систем за информации и забава кој ќе поддржува Apple CarPlay и Android Auto.

Моделот можеби ќе биде прикажан во концептуална форма во текот на претстојните месеци пред да дебитира серискиот автомобил во првата половина од 2017.



Отсекогаш Филип се интересирал за дизајнот и перформансите на автомобилите, а во срце му лежат легендарните спортски модели со забавен карактер кои можат да ги совладаат свиоците со огромна брзина.