Ова се првите фотографии од следната генерација S-Max на Ford – миниван со седум седишта кој треба да биде официјално претставен на саемот на автомобили во Париз.
S-MAX ја дели основата со новата генерација на Mondeo, а сегашната генерација за прв пат ја видовме во форма на концепт на Франкфуртското мотор шоу минатата година. Продажбата се очекува да започне набрзо по саемот на автомобили во Париз.
Ford воведува практични функционалности, како што се електирчно-придвижувани седишта во вториот и третиот ред, hands-free функционирање на петтата врата, електрично нагодување на управувачот, како и седишта со ладење и греење. S-Max ќе добие и активен паркинг систем, систем за одржување на лентата на движење, надгледување на слепите точки, како и автоматско кочење.
Сега за сега синиот овал сè уште ги нема објавено сите детали, но се очекува дека меѓу другите мотори ќе се понудат и новите 1.5-литарски и 2-литарски EcoBoost бензинци со 158 односно 237 коњски сили, како и 2-литарски TDCI со 118, 148 и 177 коњски сили. Се очекува за прв пат S-Max да се понуди и со погон на сите четири тркала.