По неколкуте последователни зголемувања на цените на горивата, Регулаторната Комисија за Енергетика одлучи да ги намали цените на бензините и дизелот!
Согласно методологијата за пресметка на цените на горивата, малопродажните цени се намалуваат во просек за 3.39%. Тоа значи дека цената на ЕУРОСУПЕР-95 се намалува за 2 денари и еден литар од ова гориво ќе се продава по цена од 81.00 денари. Цената на ЕУРПСУПЕР-98 се намалува за 1.50 денари и еден литар ќе се продава за 83.00 денари. Цената на ЕУРОДИЗЕЛ се намалува за 2.50 денари и еден литар од ова гориво ќе се продава по цена од 67.50 денари.
Новите цени стапуваат на сила вечерва на полноќ и ќе важат следните две седмици.