full screen background image
Search

LaFerrari XX ќе го замени моќниот V12 за турбо V6?

Ferrari подготвува поекстремна верзија на LaFerrari која ќе биде наменета само за тркачките патеки, која можеби ќе добие турбополнет V6 мотор инспириран од Formula 1!

Добро-поврзаните момци од Top Gear дознаваат дека Ferrari веќе има тестирано ваква варијанта за својот знаменосец. Секако, и V6 турбо-бензинецот ќе работи во соработка со хибриден систем, но целта е дополнително намалување на тежината со што би се подобриле времињата кои LaFerrari XX може да ги постигне на тркачките патеки. Дополнително за тоа ќе биде задолжена и подобрената аеродинамика, како и мазните, тркачки гуми.

LaFerrari постигнува 100 километри на час за 2.8 секунди, а само четири секунди подоцна стигнува и до 200 километри на час. Максималната брзина изнесува 350 километри на час – тука не зборуваме за автомобил што е спор, во ниту една варијанта. Интересно ќе биде да видиме како всушност инженерите од Ferrari ќе можат да го подобрат овој монструм. Antonella Coletta изјави дека веќе „навистина е тешко да се подобрат перформансите на LaFerrari“, но истовремено потврди дека LaFerrari XX програмата не е само околу перформансите – како што напоменавме, ќе се работи на аеродинамиката и на гумите, но и на суспензијата на автомобилот.

LaFerrari XX ќе се појави на почетокот на следната година. За цената воопшто нема потреба да дискутираме – но ќе биде интересо да видиме што може Ferrari да направи кога конструира автомобил кој не е наменет за обичните улици (и нема ни да биде легално да биде возен по нив), па нема да има потреба да се придржува до никакви ограничувања.

Поврзано:   Утринска Гимнастика: Снежен танц со отворен кров во Ferrari SF90 Spyder

Извор: Top Gear



Алфа и Омега на CARclub. Играчките остануваат, само стануваат поскапи.