Honda со оваа скица го најавува новиот, екстремен Civic Type R, за кој веќе знаеме дека ќе биде придвижуван од 2-литарски турбо бензинец!
Веќе знаеме дека новиот Civic Type R под поклопецот ќе крие 2-литарски турбо мотор со VTEC технологија кој ќе испорачува околу 280 коњски сили (иако изминативе неколку седмици се шират гласини дека моторот би можел да испорачува и околу 300 коњски сили). Покрај тоа, Honda веќе гласно објави дека сака да го преземе приматот од RenaultSport Megane за најбрзо извозен круг околу Nurburgring за возило со погон на предните тркала.
Официјалната премиера е најавена за Женева. Она што ние сакаме да го знаеме е дали задните светлосни групи ќе останат вака одлично интегрирани во задниот спојлер? Ајде Honda, направете го тоа!
