Nissan го претстави претходно најавениот Sport Sedan Concept, кој го продолжува дизајнерскиот јазик започнат со Resonance Concept, на саемот во Детроит.
Sport Sedan Concept е една од најимпресивните светски премиери на саемот и е дизајниран да прикаже нов сериски модел, најверојатно Maxima според сличните димензии. Негови најистакнати дизајнерски елементи се “V Motion” лицето со хромирана решетка и двете LED светла во форма на бумеранг. Тука е и лебдечки покрив, задни светлосни групи инспирирани од новиот Qashqai, како и 21-инчни алуминиумски фелни.
Ентериерот се одликува со модерен двобоен дизајн со кожни седишта, спортски волан и метални детали. Централната конзола е изработена во лебдечки стил, а тука е и футуристички систем за приказ на информациите.
Покрај впечатливиот дизајн, Sport Sedan Concept може да се пофали со 3.0-литарски V6 агрегат кој испорачува над 300 кс, усогласен со спортски прилагодена Xtronic CVT трансмисија која ја пренесува силата кон предните тркала.
Nissan објави дека има план да го произведе овој автомобил и дека серискиот модел нема да биде многу различен од концептот. Сепак, останува да видиме колку ќе се оствари тоа.
