Тјунинг компанијата Loder1899 разви нов пакет за подобрување на перформансите кај Fiesta ST, кој ја зголемува силата за 51 кс, а вртежниот момент за 95 Nm.
За да ги исцрпи овие бројки од 1.6-литарскиот тубро-бензински агрегат, тјунерската куќа го опремила автомобилот со нов интеркулер, издувен систем, репрограмирање на компјутерската единица и спортски катализатор. Резултатот се 232 кс и 335 Nm вртежен момент, доволни за забрзување од место до 100 км/ч за 6.5 секунди, што е 0.4 секунди побрзо од стандардниот модел. Максималната брзина е зголемена за 15 км/ч на 235 км/ч, додека просечната потрошувачка на гориво е речиси иста, со 6 литри на 100 километри.
Loder1899 нуди и подобар систем за сопирање, пониска суспензија и два модели на алуминиумски фелни. Тјунерот не го променил изгледот на Fiesta ST, но нуди боди кит за стандардните модели на Fiesta. кој содржи нов браник, странични прагови, фелни и заден дифузер со интегриран издувен систем.