full screen background image
Search

Откриен новиот Jaguar F-Type Coupe

Jaguar ja претстави купе изведбата од прекрасниот кабриолет F-Type, која одблизу го следи C-X16 концептот од 2011 Франкфурт мотор шоу.

Новиот купе модел на Jaguar e јавно изложен на автомобилскиот саем во Лос Анџелес, а неговата продажба ќе започне од Пролет 2014, во три верзии од кои најсилната е со ознака „R“ и 550 коњски сили.

Основната варијанта користи 3.0-литарски V6 агрегат кој со помош на компресор произведува 340 кс, што резултира со забрзување од 0-100 км/ч за 5.1 секунди и максимална брзина од 259 км/ч.

New-Jaguar-F-Type-Coupe-32[2]

Едно ниво погоре се наоѓа „S“ моделот кој ја црпи силата од засилена верзија на 3.0-литарскиот V6 со компресор. Тој располага со 380 кс и може да постигне забрзување од 0-100 км/ч за 4.8 секунди, како и максимална брзина од 275 км/ч.

Третиот најсилен „R“ модел е погонуван од истиот 5.0-литарски V8 агрегат со компресор вграден во моделите XKR-S и XKR-GT, кој испорачува 550 кс. Тоа се цели 55 кс повеќе од роудстер моделот со истата назнака. Автомобилот може да забрза од место до 100 км/ч за само 4.0 секунди и да достигне електронски ограничена максимална брзина од 299 км/ч.

New-Jaguar-F-Type-Coupe-68[2]

Сите три агрегати се усогласени со осум-степена автоматска ZF трансмисија со секвенцијална контрола, која ја пренесува силата кон задните тркала.

Jaguar F-Type Coupe ќе може да се добие со алуминиумски или панорамски стаклен покрив, како и систем за сопирање со карбонски керамички дискови. Се очекува неговата цена да започнува од околу 60,000 евра за основниот модел, до 100,000 евра за врвната “R” верзија.

Поврзано:   Jaguar Land Rover одново ја дефинира иднината на модерниот луксуз!



Отсекогаш Филип се интересирал за дизајнот и перформансите на автомобилите, а во срце му лежат легендарните спортски модели со забавен карактер кои можат да ги совладаат свиоците со огромна брзина.