Ford изложи четири оригинални модели на Fiesta ST на Sema 2013 – CARclub.mk | #1 за Автомобилите full screen background image
Search

Ford изложи четири оригинални модели на Fiesta ST на Sema 2013

Американскиот бренд претстави четири специјално дотерани примероци од најсилната изведба на Fiesta, на овогодинешниот автомобилски саем за тјунинг во Лас Вегас.

Првиот примерок е COBB Tunig and Tanner Foust Racing Fiesta ST, обоен во црна и сива дигитална камуфлажа, многу слична на онаа која ја користи војската. COBB го опремиле автомобилот со нов издувен систем и довод за ладен воздух, како и карбонски поклопец на моторот и Kicker аудио систем.

Вториот модел е дело на MRT, a e инспириран од видео играта Forza Motorsport 5. Тој се одликува со двобојна зелено-портокалова комбинација на бои и повеќе надградби на перформансите. Тука се вклучени нов издувен систем, систем за довод на воздух, прилагодлива H&R суспензија и посилни сопирачки.

14-ford-fiesta-st-sema-2013-1

Најшарениот примерок е дело на компанијата Ice Nine и е обвиен во уникатна фолија. Седумнаесет инчните Braid фелни ја дополнуваат сликата за рели автомобил, додека карбонската хауба и спојлерот ги заокружуваат естетските промени.

Четвртиот модел изгледа како плод на љубовта помеѓу Mustang Boss 302 и Fiesta ST. Двобојната шема од светло црвена боја на каросеријата и деталите на 19-инчните Pinzette-M Forgiato фелни, во комбинација со црни линии, е во стилот на Boss 302, а истата продолжува и во кабината. Моделот се разликува од стандардниот и со новиот бодикит од 3dCarbon и AirDesign, кој содржи поиспакнат преден сплитер, нови странични прагови и поинаков заден дифузер, како и поголем кровен спојлер.

 



Отсекогаш Филип се интересирал за дизајнот и перформансите на автомобилите, а во срце му лежат легендарните спортски модели со забавен карактер кои можат да ги совладаат свиоците со огромна брзина.