Bugatti го претстави Veyron Grand Sport Vitesse Meo Constantini – CARclub.mk | #1 за Автомобилите full screen background image
Search

Bugatti го претстави Veyron Grand Sport Vitesse Meo Constantini

Bugatti го претстави третиот (од вкупно пет) Les Legendes de Bugatti модел, кој е посветен на Meo Constantini, човекот кој беше раководител на фабриката на Bugatti и победи два пати на Targa Florio.

Како и другите ексклузивни модели од оваа серија, и овој модел ќе биде произведен во само три примероци, а цената ќе биде 2.09 милиони евра (пред даноци). Моќта доаѓа од познатиот 8-литарски W16 мотор со четири турбо полначи – а моќ има навистина многу – дури 1200 коњски сили и 1500 Nm вртежен момент. Забрзувањето до 100 километри на час трае 2.6 секунди, а максималната брзина е 408 километри на час.

Она по што Veyron Grand Sport Vitesse Meo Constantini (кажете го ова брзо, три пати, ве предизвикуваме) ќе се издвојува од останатите, „обични“ примероци на Veyron е уникатната комбинација на бои која е инспирирана од Type 35 со кој Meo Constantini победувал на Targa Florio, но и уникатните детали во ентериерот, како што е потписот на Constantini на седиштата, алуминиумската плочка со Targa Florio, но и ласерски изгравираните детали од историјата на Bugatti на внатрешноста на вратите.



Алфа и Омега на CARclub. Играчките остануваат, само стануваат поскапи.