Opel официјално ја претстави најмоќната верзија на моделот Insignia пред нејзината официјална премиера на автомобилскиот саем во Франкфурт.
Најважните работи кај Insignia OPC остануваат исти – под поклопецот сеуште се крие турбо-хранетиот 2.8-литарски V6 кој испорачува 325 коњски сили и 435 Nm вртежен момент. Оваа сила се испорачува преку 6-степен мануелен менувач кон сите четири тркала. Благодарение на моторот и преносот, Insignia OPC забрзува до 100 километри на час за 6 секунди (или 6.3 секунди ако ја изберете караванската изведба со ознаката Sport Tourer) и забрзува се до 250 километри на час во стандардната верзија, или 270 километри на час ако ја изберете верзијата со отстранети граничници.
Новата Insignia OPC има малку изменети предни и задни светлосни структури, како и нова предна маска, но најважните промени се под „кожата“. Задната оска е значително изменета, каде инженерите на Opel модификувале околу 60 проценти од компонентите. Истовремено, поработено е и на амортизерите и FlexRide софтверот, како и ESP софтверот. Благодарение на сите овие измени, Opel најавува дека новата Insignia OPC е позабавна за возење.
