Тјунерската компанија Prior Design ги објави првите фотографии од нивниот естетски пакет за новиот BMW M6.
Пакетот наречен PD6XX е сеуште во развој, но објавено е дека ќе содржи агресивен преден браник, карбонски преден спојлер, вентилирачка хауба, изменети странични прагови, кровен отвор за воздух и проширени странични крила. На задниот дел се забележува масивен спојлер, како и нов браник со интегриран дифузер.
Измените во ентериерот опфаќаат нов тапацир и специјални назнаки. Сепак, не се споменува за подобрување на перформансите на 4.4-литарскиот V8 агрегат кој произведува 560 кс и 680 Nm.