Lamborghini ја слави неговата 50 годишнина со конвој од 350 суперавтомобили кои возат од Милано до базата на компанијата во Сант’Агата-Болоњезе.
Конвојот се протега во должина од скоро пет километри и располага со вкупно над 190,000 коњски сили. Еден во секои четири автомобили е историски модел. Тука спаѓаат три 350 GT, седумнаесет Miura, осум Espada, две Jarama, шест Urraco, петнаесет Countach, еден LM002, 21 Diablo и 36 Murcielago модели. Најчестиот автомобил во турнејата е најпродаваниот автомобил на Lamborghini – Gallardo, со 123 учеснички автомобили.
Lamborghini-те од Велика Британија се мнозинство кај учесниците, со 71 учесник во турнејата. Италија, Германија и Швајцарија имаат по околу 30 автомобили, додека 21 автомобил се донесени од САД, и 17 од Кина. Останатите странски автомобили доаѓаат од Австралија, Канада, Индонезија, Јапонија, Кувајт, Лебанон, Нов Зеланд, Сингапур, Јужна Кореа, Тајван и Украина. Најмладиот учесник во Grand Tour конвојот е 22 годишник од Кувајт, додека најстариот е 75 годишен Француски државјанин.
Турнејата трае од 8-ми до 11-ти Мај и се протега по пат во должина од 1200 километри, кој поминува низ Милано, Рим и Болоња, пред да заврши со голема прослава во Сант’Агата-Болоњезе.