Се појавија првите фотографии од сериската купе верзија на Jaguar F-type, благодарение на протечен документ за патентирање на дизајнот.
Неговата форма е воглавно преземена од C-X16 концептот прикажан во 2011. Силно закосениот заден прозорец буди сеќавање на E-Type и уште повеќе ги нагласува неговите широки колкови, давајќи му на моделот помускулест став од стандардниот F-Type. Од А-столбот нанапред, останува идентичен со кабриолетот.
Четирите издувни цевки наговестуваат дека овие фотографии се од најсилниот V8 S модел со 488 кс. Палетата на мотори би требало да ги сочинува истите агрегати од роудстерот, така што ќе бидат на располагање V6 со 335 кс и V6 S со 375 кс. Автомобилот најверојатно ќе биде усогласен со истата осум-степена автоматска трансмисија, а понатаму ќе биде понуден и рачен менувач.
F-Type купе се очекува да пристигне во претставништвата наредната година, додека неговото јавно претставување може да се очекува подоцна оваа година.
