Регулаторната комисија за енергетика пред неколку моменти ги објави новите цени на горивата, а од денес возачите ќе плаќаат поскап бензин и дизел!
Како и секој втор понеделник, така и денес, Регулаторната Комисија за Енергетика ги објави новите цени на горивата. Согласно нивната методологија за пресметка на цените, малопродажните цени се зголемуваат за 0.38 проценти. Тоа значи дека ЕУРОСУПЕР-95 и ЕУРОСУПЕР-98 ќе поскапат за 0.50 денари и ќе се продаваат по цена од 80.50, односно 82 денари за литар. Цената на ЕУРОДИЗЕЛ-от исто така се зголемува за 0.50 денари, и ќе се продава по цена од 73 денари за литар.
Цените стапуваат на сила од вечерва на полноќ, а ќе важат следните 14 дена.