Renault ги објави првите детали за новиот 2014 Clio Cup, наменет да се натпреварува на тркачките патеки.
Моделот кој е моментално во тестирање, Clio Cup, скоро и да не се разликува од RS верзијата. Елементите кои го “издаваат” се отворот за влез на воздух на покривот, 17-инчните алуминиумски Speedline Corse фелни и огромниот заден спојлер кој создава 40 кг потисна сила при 200 км/ч.
Силата се испорачува од 1.6-литарски турбополнет четири-цилиндарски агрегат кој произведува 220 кс и 270 Nm вртежен момент, усогласен со шест-степен секвенцијален менувач кој ја пренесува силата кон предните тркала преку диференцијал со ограничено пролизгување. За подобро управување додадени се AP тркачки сопирачки, ZF-Sachs прилагодливи амортизери и систем за евидентирање податоци со дисплеј монтиран во централната конзола.
2014 Clio Cup ќе започне со продажба во Септември 2013 со почетна цена од 37,800 евра.
