Веќе добро знаеме како ќе изгледа новиот компактен кросовер на Honda, но сега да го погледнеме подетално.
Денес подобро ќе се запознаеме со деталите на 2013 Honda CR-V, повеќе фотографии од внатрешноста и додатната опрема која ја нуди новата генерација на CR-V.
Веќе знаеме дека CR-V не “порасна” во однос на сегашниот модел, но знаеме дека има 30 mm пониска линија на кровот. Седењето на задната клупа е пониско за 38 mm, додека на предните седипта се седи за 10 mm пониско.
Што се однесува до моторите, на почетокот во понудата ќе бидат 2.0 литарскиот i-VTEC бензинецот кој сега има моќност од 155 КС, a тука е и 2.2 литарскиот i-DTEC дизел агрегат кој нуди 155 КС. Како што знаеме, за прв пат во Европа достапен ќе биде и 1.6 литарскиот турбо-дизел кој има 120 КС.
Европската премиера CR-V ќе ја има на саемот во Париз, а нејзината продажба стартува во Октомври оваа година. Компактниот кросовер ќе продолжи да се произведува во фабриката на Honda во Велика Британија.
