Баварците го претставија освежувањето на најмалиот SUV во својата понуда, да го погледнеме одблиску BMW X1.
BMW X1 го доби својот фејслифт, па да видиме што се е освежено кај него:
Надворешниот дизајн претрпе минимални промени на предниот браник и предната светлосна група, додека новите ретровизори, освежувањето на задните светла и измените на задниот браник го заокружуваат надворешното затегнување на брчките.
За поагресивен и поспортски изглед на X1 задолжени се новите xLine и Sport Line пакети заедно со легендариот M пакет на BMW. xLine пакетот содржи нов боди кит со поагресивни браници и сет од 18-инчни бандажи, додека Sport Line пакетот исто така содржи нов боди кит но со акцент ставен на спортскиот изглед.
За моќноста и моторите во понудата на Европскиот пазар сеуште не се објавени податоци додека TwinPower Turbo 3.0 литарскиот мотор со 300 КС и 406 Nm вртежен момент е задолжен да го придвижува X1 на Северно-Американското тло.