MG во Пекинг го претстави Icon Concept, SUV автомобил кој е наменет да биде конкурент на Nissan Juke.
Icon е SUV со четири места за седење и форма на купе во модерен дизајн со ретро елементи. Инспирацијата ја црпи од MGB GT и MGA, спортски возила кои се произведуваа се до 1980 година. Тоа може да се заклучи според предните светла, правоаголната решетка, задните светла и линијата на покривот кои многу личат на MGB GT, додека задните лакови на тркалата потсетуваат на тие кај MGA.
Според ограничените информации кои ги имаме, компанијата планира да го пушти во производство до 2014, а исто така можно е да произлезе и роадстер варијанта без кров.