Го прочитавте сето тоа? Одлично, сега да ви објасниме за што всушност станува збор!
Hennesey е позната тјунерска куќа од Америка која сериозно се занимава со „чепкање“ на некои Американски возила. Hennessey 2013 HPE800 Twin Turbo Jeep Grand Cherokee SRT8 (или HHPETTJGCS како што ние скратено ќе го нарекуваме) нуди весели 805 коњски сили и неверојатни 1115 Nm вртежен момент! Таа, благо кажано, луда моќност е извадена од 7 литарски (фабрички 6.4-литарски) V8 агрегат со два турбо полначи!
Оваа „косилица“ под поклопецот му дозволува да забрза до 100 километри на час за импресивни 3.1 секунда, а не знаеме која е максималната брзина. Секако, би било интересно (и страшно) тоа да се испроба од прва рака.
HHPETTJGCS ќе биде произведен во лимитирана серија од 25 парчиња, и секое од нив ќе чини 235.000 Американски долари!
