Ова е вториот модел од серијата Mythos и доаѓа во строго-лимитирана серија од само 30 примероци.
CLE 646 е базиран на AMG CLE 53 и располага со 4-литарски твин-турбо V8 со, погодувате, 646 коњски сили.
Моќноста се пренесува исклучиво на задните тркала преку деветстепениот AMG Speedshift менувач, додека за звукот е задолжен спортскиот издувен систем развиен во соработка со Akrapovič.
Според фабричките податоци, новиот Mythos забрзува од 0 до 100 км/час за 3,9 секунди и до 200 км/час за 11,4 секунди, додека максималната брзина изнесува 310 км/час.
За кочењето се грижат огромни карбон-керамички сопирачки со дискови од 420 мм напред и 360 мм назад, сместени зад 20-инчните бандажи.
За да се намали тежината, користени се карбонски делови за предниот браник, страничните прагови, хаубата, покривот и задниот браник, со што вкупната тежина е намалена за 170 килограми.
Заштедата на тежина продолжува и во кабината, каде што се отстранети задните седишта, дел од звучната изолација и неколку системи за асистенција на возачот.
Mercedes исто така нуди и опционален пакет со појаси во шест точки, како и уникатна двобојна боја која преминува од сребрена на предниот дел во црна боја кон задниот дел.
Сосема очекувано, сите 30 предвидени примероци од CLE 646 Spezialanfertigung се веќе резервирани.
