Регулаторната Комисија за Енергетика објави дека вечерва на полноќ цените на горивата ќе се зголемат за 2, односно 2.50 денари.
Во согласност со методологијата за пресметка на цените на горивата, вечерва цените ќе се зголемат во просек за 1.84%.
Цената на ЕУРОСУПЕР-95 се зголемува за 2.00 денари и еден литар 95-октански бензин ќе чини 87.00 денари.
Цените на ЕУРОСУПЕР-98 и ЕУРОДИЗЕЛ горивата се зголемуваат за 2.50 денари за литар. Еден литар 98-откански бензин ќе чини 89.00 денари, додека еден литар дизел ќе чини 92.00 денари.
Новите цени стапуваат на сила вечерва на полноќ.
