Седанот Afeela 1 и неименуваниот SUV модел се откажани поради промени во стратегијата за електрификација на Honda.
Пред три години го покажавме прототипот Afeela 1 а една година подоцна се појави и обновената верзија. Од тогаш поминаа уште 14 месеци без никаква новост: Се до денес.
Одлуката за престанокот на понатамошното развивање на моделите дојде после објавата на Honda за преструктурирање на бизнисот за електрични возила, вклучувајќи откажување на серијата Honda 0 и Acura RDX. Компанијата очекува прв годишен губиток во 69 години, од околу 69 милијарди јени, со вкупни трошоци од 2,5 трилиони јени (13,7 милијарди евра).
Двете компании ќе продолжат со разговорите за иднината на заедничката компанија, земајќи ги во предвид пазарните услови.
Afeela 1 се истакнуваше со тоа што доаѓаше со вграден PlayStation 5, гласовен асистент и генеративна вештачка интелигенција. Исто така, за тоа возило беше планирано да достигне ниво 4 на автономно возење во град и на автопат.
