Afeela се појави на сцената на овогодинешниот Consumer Electronics Show, управувана со помош на DualSense контролер за PlayStation 5.
Првично претставен како концепт Vision-S на CES 2020 година, Afeela претрпе дополнителни промени за оваа година. Предниот браник е резидајниран, фаровите имаат позаоблен облик и задните столбови се сега помасивни. Во внатрешноста, воланот е ревидиран а додадена е и камера за следење на возачот.
Според официјалните спецификации, предниот и задниот мотор заедно испорачуваат 241 коњска сила, а литиум-јонските батерии имаат моќност од 91 kWh.
Моделот користи воздушна суспензија и 21-инчни тркала со димензии на гумите 245/40R21 напред и 275/35R22 позади. Afeela е долга 4915 mm, 1900 mm широка и 1460 mm висока, со меѓуоскино растојание од 3000 mm.
Компанијата Sony Honda Mobility ќе започне да ги прима нарачките во 2025 година, а испораките до клиентите во Северна Америка се закажани за почетокот на 2026 година, односно крајот на 2026 во Европа.
Во меѓувреме, моделот Afeela ќе биде достапен за возење во текот на годинава, и тоа ексклузивно во играта Gran Turismo 7 на PlayStation 5.
