Вчеравечер Playground Games и Microsoft ја претставија Forza Horizon 6 – најновата генерација на супер-популарната тркачка игра.
Forza Horizon 6 ќе биде во Јапонија, а на играчите ќе им бидат достапни преку 550 автомобили на самиот старт. Од Playground Games ветуваат многу автомобили, многу различни трки и многу места за откривање во огромниот отворен свет. Серијалот Forza Horizon досега има пет поглавја, а најновото поглавје ветува дека ќе биде најголемо досега.
И како и секогаш, многу се зборува за „насловните“ автомобили, односно автомобилите кои ќе бидат носечки во играта. Овој пат таа чест оди кај GR GT и Toyota Land Cruiser. Новиот Land Cruiser веќе сме го возеле, се надеваме дека ќе имаме можност да го возиме и GR GT. Ако ништо друго, секако ќе го возиме во Forza Horizon 6!
Forza Horizon пристигнува за Xbox и PC на 19-ти Мај годинава!
