Во салонот на Fiat во Скопје пристигна новата Grande Panda – и изгледа уште подобро во живо отколку на фотографии!
Веќе неколку пати пишувавме за Grande Panda и со задоволство ќе кажеме дека ни е еден од најочекуваните нови модели годинава. Комбинацијата од привлечен, шармантен италијански дизајн, еден куп интересни детали и ситници и современи технологии прават Panda да ни е еден од најинтересните нови мали автомобили!
На нашиот пазар, Grande Panda се нуди во хибридна изведба и автоматски менувач, со системски 110 коњски сили. Достапна е во неколку различни изведби – Pop, Icon и La Prima (како на фотографиите), и секако, достапни се храбри, самоуверени и живи бои – Fiat се откажа од сивите бои во понудата, и апсолутно го поздравуваме тоа! Стартната, акциска цена е 17.990 Евра.
Grande Panda е достапна и две други погонски опции – може да се добие и со целосно-електричен погон, или пак со конвенционален турбо-бензинец и мануелен менувач. На самиот старт на нашиот пазар Grande Panda ќе се нуди во хибридната изведба, а за понатаму се најавени и другите погонски опции.
Инаку, Grande Panda се произведува во фабриката на Fiat (односно Stellantis) во Крагуевац, во соседна Србија. За повеќе информации, посетете го салонот на Fiat, или пак официјалната веб-страница на Grande Panda.
Добредојде, Grande Panda!
